يا إبنى

إيمان يوسف

الدنيا مش ملعب ومسرح
الدنيا غابة فيها الديابة
وأيام بتبقى هادية ووديعة
وأوقات مطيعة
وساعات تعالب 
مغلوب وغالب
أوعى تحسبها تسالى أو أمانى
أد تعبك ح تلاقيها
باعته ليك أحلى ما فيها
أرضى بيها
خدها على عيبها وراضيها
أوعى تدارى ف غيرك
أوعى تتنكر لعيبك
واجه الموقف بقوة
مهما ضعفك يوم يصيبك
خلى عقلك قبل قلبك
وبإيمانك ويا علمك
أبنى نفسك
حابقى جنبك
قوم وصلى للى خالقك
ربنا الحامى لمصيرك
ربنا الحامى لمصيرك